ဒေါက်ဒေါက်ဒေါက်..ဘယ်သူလဲ

ကျနော်တပ်ကနေအရပ်ဘက်ပြောင်းပြီးတာဝန်ထမ်းဆောင်ဖို့အတွက်အမိန့်စာစောင့်နေတုန်းကဖြစ်ခဲ့တဲ့ဇာတ်လမ်းလေးကိုဒီတစ်ခါပြောပြပါရစေ။ ၂၀၀၄ခုနှစ်၊သြဂုတ်လမှာအမျိုးသားထောက်လှမ်းရေးအဖွဲ့(NIB)ကိုဖျက်သိမ်းပြီးတဲ့နောက်ပိုင်းမှာထောက်လှမ်းရေးတပ်အသီးသီးနဲ့ဌာနအသီးသီးရောက်နေတဲ့အရာရှိ၊အရာခံ၊အကြပ်၊စစ်သည်တွေဟာအိပ်မက်ဆိုးတစ်ခုလိုအစစ်ဆေးခံခဲ့ရပါတယ်။အများစုဟာလူကြားမကောင်းတဲ့ထောင်ဒဏ်တွေကျခံခဲ့ရပြီးကျနော်အပါအဝင်တပ်ဖွဲ့ဝင်လက်တစ်ဆုပ်စာသာထောင်ဒဏ်ကနေလွတ်ကင်းပြီးတပ်မှမယူမနေရပင်စင်(Force to Retired)အပေးခံခဲ့ရပါတယ်။အဲဒီအဖြစ်တွေဖြစ်ပြီးတဲ့အချိန်မှာကာကွယ်ရေးဦးစီးချုပ်ရဲ့အမိန့်နဲ့အရာရှိအချို့ဟာလုပ်ပိုင်ခွင့်သိပ်မရှိတဲ့ဌာနဆိုင်ရာတွေကိုအောက်ခြေအရာထမ်းလစ်လပ်နေရာတွေမှာတာဝန်ထမ်းဆောင်စေခဲ့ပါတယ်။မလုပ်ချင်ရင်ထွက်ဆိုတဲ့သဘောပေါ့ဗျာ။ကျနော်လည်းအဲဒီထဲမှာပါသွားခဲ့တယ်။ အရင်တုန်းကကျနော်သင်တန်းတက်ခဲ့ရတဲ့ရေကြည်အိုင်စခန်းမှာအခုတော့အထိန်းသိမ်းခံဘဝနဲ့သင်တန်းပြန်တက်တေရတာစိတ်ထဲတမျိုးကြီးဗျာ။ကြုံတုန်းရေကြည်အိုင်ဆိုတာကိုရှင်းပြမယ်။ရေကြည်အိုင်ဆိုတာကCIAအတွက်Langlayမှာဌာနချုပ်ရှိသလိုNational Intelligence Bureau(NIB) အမျိုး သားထောက်လှမ်းရေးအဖွဲ့အတွက်ဌာနချုပ်ပါဘဲ။သင်တန်းတွေပို့ချတယ်။အရေးကြီးစစ်ကြောရေးတွေလုပ်တယ်။ပြည်ပထောက်လှမ်းရေးအဖွဲ့ကသူလျှိုတွေနဲ့သတင်းဖလှယ်တယ်။ခင်ဗျားတို့ကြည့်ဖူးတဲ့ရုပ်ရှင်တွေထဲကလိုပါဘဲ။ ရေကြည်အိုင်မှာကသင်တန်းသားတွေအတွက်နေအိမ်ခန်းတွဲတွေရှိတယ်ဗျ။ဒါပေမယ့်အခုအချိန်မှာအခန်းတွေကပြည့်နေတော့အရင်လှမ်းခေတ်ကတည်းကပိတ်ထားတဲ့အခန်းတွဲတစ်ခုမှာဘဲကျနော်တို့ကိုထားထားတာ။နိုင်ငံတော်လုပ်ကြံမှုတရားခံအုန်းကျော်မြင့်တို့၊မြောက်ကိုရီးယားသူလျှိုကင်မင်ချူတို့နောက်ပိုင်းမဖားတော့တဲ့အဆောင်ဗျ။ အဲဒီအဆောင်မှာကျနော်ရယ်၊သက်ကိုဦးရယ်၊ထွန်းလင်းအောင်ရယ်သင်တန်းသား။အစွန်ဆုံးအခန်းမှာအရင်လှမ်းကတပ်မှူးတစ်ယောက်ကိုစစ်ကြောရေးလုပ်ဖို့ထားထားတာ။ဘယ်သူမှန်းတော့မသိဘူး။ဗိုလ်မှူးထပ်မော်ရွှေလား၊ဗိုလ်မှူးမိုးသူလားမမှတ်မိတော့ဘူးဗျ။ထားလိုက်ပါ။ကျနော်ကအဲဒီအဆောင်တွဲမှာနေတယ်ပေါ့ဗျာ။ ကျနော်တို့သင်တန်းသားတွေကအရင်လှမ်းခေတ်ကတည်းကသင်တန်းတွေတက်ပြီးသားမို့ကိုယ်သွားရမယ့်ဌာနနဲ့ပတ်သက်တာတွေဘဲသင်ပေးတော့မှာလေ။လတ်တလောမှာသင်ပေးမယ့်သူတွေမရောက်သေးတော့ကျနော်တို့ကသာယာနေတာပေါ့ဗျာ။ကျနော်တို့ဇိမ်ကျနေတာ၂ရက်မြောက်နေ့မှာပေါ့။ မှတ်မှတ်ရရမိုးကလည်းတဖွဲဖွဲလေးကျနေတယ်ဗျ။ကျနော်နဲ့သက်ကိုဦးကလက်ဖက်ရည်ဆိုင်မှာဘောလုံးပွဲကြည့်ပြီးပြန်လာတာ။စကားတပြောပြောနဲ့ပေါ့ဗျာ။ကျနော်တို့အဆောင်နားမရောက်ခင်သက်ကိုဦးကခြေလှမ်းတန့်သွားလို့ကျနော်လည်းသူကြည့်ရာကိုလိုက်ကြည့်တာအံ့သြစရာဗျာ။လူသွားလမ်းပေါ်မှာမြွေကြီးတစ်ကောင်၊နည်းတာကြီးမဟုတ်ဘူး။လက်မောင်းလုံးလောက်တုတ်မယ်။အရောင်ကညိုမွဲမွဲနဲ့ခေါင်းနဲ့အမြီးကိုမမြင်ရဘူး။လူသွားလမ်းကိုကူးနေတာဖြစ်မယ်။ကျနော်ကြည့်နေတုန်းမှာသက်ဦးကိုကထင်မှတ်မထားတာလုပ်လိုက်တယ်။ သူ့လက်ထဲမှာကိုင်ထားတဲ့ထီးနဲ့ရိုက်လိုင်တာဗျ။အဲလိုရိုက်လိုက်တော့မြွေကဆတ်ကနဲတချက်လွန့်ပြီးချုံထဲပြန်ဝင်သွားတယ်။ထူးဆန်းနေတာကမြင်ဖူးနေကျမြွေတွေလိုလူးလွန့်ပြီးမသွားဘဲတရွတ်တိုက်ကြီးသွားတာဗျ။မြွေသွားတဲ့ချုံဖုတ်ထဲကိုလိုက်ကြည့်မှအတော်ရှည်တဲ့မြွေမှန်းသိလိုက်ရတယ်ဗျာ။လူသွားလမ်းပေါ်မှာကန့်လန့်ဖြတ်ပြီးချုံဖုတ်ထဲအထိတောင်ခေါင်းမတွေ့ရဘူး။သေချာကြည့်မှကျနော်တို့ရပ်နေတဲ့ကညင်ပင်ကြီးအခေါင်းထဲကိုဝင်နေတာဗျ။အနည်းဆုံးတော့ပေ၂၅ပေါ့ဗျာ။ ကျနော့်စိတ်ထဲမှာထူးဆန်းတယ်လို့ထင်နေတုန်းသက်ဦးကိုက''မြွေကရှည်လှချည်လား။ဘာမြွေလဲမသိဘူး။တော်တော်ရှည်တာဘဲဟ။''လို့ပြောပြီးကညင်ပင်သစ်ခေါင်းဘက်ကိုဓါတ်မီးနဲ့လှမ်းထိုးကြည့်တာ။ကယ်တော်မူပါ။ကျနော်တို့ကသစ်ခေါင်းလို့ထင်ထားတဲ့အပေါက်ကသစ်ခေါင်းပေါက်မဟုတ်ဘူးဗျို့။ပါးစက်ပေါက်ကြီး။မြွေလို့ထင်တာလည်းမြွေမဟုတ်ဘူး။လျှာကြီးဗျ။ ကျနော်လည်းသရဲခြောက်ပြီဆိုတာသိလိုက်တာနဲ့အဆောင်ဘက်ကိုကျုံးပြီးပြေးတော့တာဘဲ။သက်ဦးကိုကကျနော့်နောက်ကပြေးလိုက်လာတယ်။အဆောင်ရောက်တော့ထွန်းလင်းအောင်ကဆီးပြီးတော့''ဘာလဲဟ။မနက်ဖြန်ကြံ့ခိုင်ရေးဆန်းစစ်အတွက်ကျင့်နေတာလား''လို့မေးတော့ပြေးလာလို့မောနေတဲ့ကြားထဲကနေသူ့ကိုလှမ်းဆဲရသေးတယ်။ အကြောင်းစုံကိုသူ့ကိုပြန်ပြောပြတော့မောင်မင်းကြီးသားကတဟားဟားနဲ့ရယ်တယ်။ပြီးမှ''မင်းတို့ကလည်းအဲဒီကညင်ပင်ကအရင်ကတည်းကနာမည်ကြီးလေ။အဲဒါကြောင့်ငါကမှောင်ရင်ဘယ်မှမထွက်တာ။နေပါဦးဟ။အကြောင်းမဲ့သက်သက်တော့မင်းတို့ကိုခြောက်တာမဟုတ်လောက်ပါဘူး။မင်းတို့ဘာဟင်းတွေဝယ်လာသေးလဲ။''လို့ပြောမှသက်ဦးကိုက''ဘာဟင်းမှမဝယ်ဘူး။မနက်ကျရင်ထမင်းကြော်နဲ့စားချင်လို့အမဲသားကြော်၂တုံးဘဲဝယ်လာတယ်''လို့ဖြေရင်းသူ့လက်ထဲကအထုပ်လေးပြတယ်။ ထွန်းလင်းအောင်ကချက်ချင်းဆိုသလိုပင်မပြောမဆိုနဲ့အဲဒီအထုပ်လေးကိုယူပြီးအပြင်ဘက်ကိုပစ်လိုက်တယ်။ပြီးမှ''မင်းတို့ကလည်းကွာ။သူကမင်းတို့ကိုခြောက်လှန့်ချင်လို့မဟုတ်ပါဘူး။စားချင်ရှာလို့တောင်းတာပါ။ကျွေးလိုက်ပါ ကွာ''လို့ပြောတယ်။သက်ဦးကိုကထွန်းလင်းအောင်ကိုမအေနှမစုံအောင်ဆဲတော့တာဗျို့။ထွန်းလင်းအောင်ကတော့တဟားဟားနဲ့ရယ်နေတယ်။ ကျနော်တို့လည်းစကားထိုင်ပြောနေရင်းသံချောင်းခေါက်သံ၁၀ချက်ကြားရတော့မှကိုယ့်အခန်းကိုကိုယ်အသီးသီးဝင်လိုက်ကြတယ်။ကျနော်အခန်းထဲရောက်ပြီးမကြာပါဘူး၊တံခါးခေါက်သံကြားလို့သွားဖွင့်ပေးတော့သက်ဦးကိုနဲ့ထွန်းလင်းအောင်။မျက်နှာတွေကစပ်ဖြီးဖြီးနဲ့။သက်ဦးကိုကစပြီး''မိုးအေးတော့ချမ်းတယ်ကွ''လို့ပြောပြီးထွန်းလင်းအောင်က''အနွေးဓါတ်လိုနေတယ်ကွ''လို့ပြောတယ်။ကျနော်ကဆဲတော့နှစ်ကောင်သားရယ်ရင်းနဲ့ကျနော့်အခန်းထဲဝင်လာကြတယ်။သိတဲ့အတိုင်းဘဲလေ၊အဲဒီတုန်းကကျနော်ကAlcholနဲ့လက်ထပ်ထားတဲ့အချိန်ဆိုတော့မသာနှစ်ကောင်ကကျနော့်အခန်းလာကြတာပေါ့။ ကျနော်တို့သုံးယောက်ဝိုင်းလိုက်တာပေါ့။အမြည်းကကျနော့်အိမ်ကထည့်ပေးလိုက်တဲ့အမဲခြောက်ရယ်၊ကျောက်ပန်းတောင်းသားသက်ဦးကိုအိမ်ကပါလာတဲ့အာလူးကြော်ရယ်၊အိမ်ထောင်သည်လိုင်းခန်းဘက်ကထွန်းလင်းအောင်ခိုးလာတဲ့ခရမ်းချဉ်သီးနဲ့သုပ်ထားတဲ့လက်ဖက်သုပ်ရယ်ဆိုတော့စမတ်ကိုကျနေတာပေါ့ဗျာ။ ၃ယောက်သားသောက်လို့whiskyတစ်တောင့်ကုန်ပြီးနောက်တစ်တောင့်ဖွင့်ဖို့လုပ်နေတုန်း''ဒေါက်ဒေါက်ဒေါက်''ဆိုပြီးတံခါးခေါက်သံကြားတော့ကျနော်တို့ငြိမ်သွားတယ်။သက်ဦးကိုက''ဒီအချိန်ကြီးကျမှဘယ်သူများပါလိမ့်''။ထွန်းလင်းအောင်က''ဧည့်စာရင်းများလာစစ်တာလားမသိဘူး''စသဖြင့်တယောက်တပေါက်ပြောနေကြလို့ကျနော်ဘဲထပြီးတံခါးဖွင့်ပေးလိုက်တယ်။တံခါးဖွင့်လိုက်တော့တံခါးဝမှာလူတစ်ယောက်ဗျ။အသက်၄၀လောက်ရှိမယ်၊အရပ်အမောင်းကောင်းကောင်း၊အသားကလတ်လတ်နဲ့ဗျ။ ကျနော်က''ဘာကိစ္စလဲ''လို့မေးတော့ ဧည့်သည်က''ဘာမှမရှိပါဘူးကွာ။ကိုယ့်ညီတို့သောက်နေစားနေမှန်းသိလို့ကိုယ်လည်းဝိုင်းချင်လို့လာခဲ့တာ'''လို့ပြောတာနဲ့ကျနော်လည်း''ဟာ၊လာပါအကိုကြီး။ဝင်ပါ''လို့ဖိတ်ခေါ်ပြီးတံခါးဖွင့်ပေးလိုက်တယ်။ ဒါပေမယ့်ဧည့်သည်ကမဝင်ဘူးအင်တင်တင်လုပ်နေတယ်။သက်ဦးကိုကပါထပြီးတော့''ဝင်ခဲ့လေအကိုကြီး''ခေါ်မှဝင်လာတယ်။ကျနော်တို့ဝိုင်းနေတဲ့ခုံပုလေးဘေးကလွတ်တဲ့နေရာမှာဝင်ထိုင်တော့ထွန်လင်းအောင်ကအရက်ငှဲ့ပေး ရင်း''အကိုကြီးထောင့်စွန်းခန်းကလား''လို့မေးတော့သူကဘာမှပြန်မပြောဘဲခေါင်းဘဲငြိမ့်ပြတယ်။သြော်ဒါဆိုလှမ်းကတပ်မှူးဟောင်းဗိုလ်မှူးတစ်ယောက်ယောက်ပေါ့။သူ့ကြည့်ရတာစကားသိပ်ပြောချင်ပုံမရတာနဲ့ကျနော်တို့လည်းအချင်းချင်းဘဲစကားဆက်ပြောနေလိုက်တယ်။ ဝိုင်းကအရှိန်ပြန်တက်နေတဲ့အချိန်မှာထွန်းလင်းအောင်ကဆေးလိပ်ဘူးကိုသူ့အခန်းပြန်အယူ။ကျနော်နဲ့သက်ဦးကိုကအပေါ့သွားဖို့ထွက်လာတော့သူတစ်ယောက်ဘဲကျန်ခဲ့တယ်။ဘာမှမကြာလိုက်ဘူး၊ကျနော့်စိတ်ထင်၃မိနစ်ပေါ့။ကျနော်နဲ့သက်ဦးကိုတို့ပြန်ရောက်လာတော့ဧည့်သည်ကမရှိတော့ဘူး။အလားတူဘဲအရက်ပုလင်းထဲကအရက်နဲ့ပန်ကန်ထဲကအမဲကြော်လည်းမရှိတော့ဘူး။အဲဒီအချိန်ထွန်းလင်းအောင်ကရှေ့တံခါးကိုဖွင့်ဝင်လာပြီးကျနော်တို့၂ယောက်ကို''ဟိုအကိုကြီးရော''လို့မေးရင်းအရက်နဲ့အမဲကြော်ပါပြောင်နေတာတွေ့တော့စိတ်တိုသွားတယ်ထင်ပါရဲ့။ပြန်လှည့်ထွက်သွားတာနဲ့ကျနော်တို့လည်းအနောက်ကလိုက်သွားတယ်။ထွန်းလင်းအောင်ကထောင့်စွန်းအခန်းကိုတံခါးခေါက်မယ်လုပ်ပြီးမှလက်ပြန်ချလိုက်တာတွေ့တာနဲ့ကျနော်တို့လည်းအဲဒီအခန်းရှေ့သွားလိုက်တယ်။ဗုဒ္ဓေါ။ အခန်းတံခါးကသော့ခတ်ထားပါလား။ဒါဆိုခုနကကျနော့်အခန်းထဲလာပြီးအရက်သောက်သွားတာဒီအခန်းကမဟုတ်ဘူးပေါ့။ကျနော်တို့လည်းအဆောင်ပတ်လည်ကိုလှမ်းကြည့်တော့လမ်းမီးတိုင်အောက်မှာလူမပြောနဲ့ခွေးတောင်မှမတွေ့ဘူး။အဲဒီအချိန်ကျနော့်အခန်းတံခါးကဝုန်းကနဲပိတ်သံကြားလို့ကျနေိာ့အခန်းဘက်ကိုပြန်ပြေးလာကြတယ်။ကျနော်ကအခန်းတံခါးကိုဆွဲဖွင့်လိုက်တော့အခန်းထဲမှာဘယ်သူမရှိဘူး။ကျောတော့ချမ်းလာပြီ။သက်ဦးကိုနဲ့ထွန်းလင်းအောင်တို့ကိုကြည့်လိုက်တော့သူတို့လည်းမျက်နှာပျက်နေတယ်။နာရီသံချောင်းခေါက်သံကြားတော့မှ၁၂နာရီထိုးမှန်းသိတယ်။ ကျနော်တို့လည်းစိတ်ထဲမှာတနှံ့နှံ့နဲ့ပေါ့ဗျာ။ဘယ်နှယ့်ဗျာ၊ခပ်တည်တည်နဲ့ပုံမှားရိုက်ပြီးကိုယ့်အခန်းထဲဝင်အရက်ရော၊အသားကြော်ရောအကုန်ကစ်သွားတဲ့သူကိုဘယ်ကျေနပ်ပါ့မလဲ။ကျနော်တို့လည်းစကားထိုင်ပြောနေတုန်းတံခါးခေါက်သံကြားတာနဲ့ကျနော်ဘဲသွားဖွင့်ပေးလိုက်တယ်။တံခါးဝဘယ်သူမှမရှိဘူး။ကျနော်လည်းတံခါးပိတ်ပြီးပြန်လှည့်ထွက်လာတော့ထပ်ပြီးတံခါးခေါက်တယ်။ကျနော်တော်တော်တင်းသွားပြီ။သက်ဦးကိုနဲ့ထွန်းလင်းအောင်ပါထလာတယ်။တံခါးဖွင့်လိုက်တော့ဘယ်သူမှမတွေ့ဘူး။အပြင်ထွက်ပြီးဘေးဘယ်ညာကြည့်တော့ဘာမှမရှိဘူး။ကျနော်တို့တတွေနည်းနည်းသွေးပျက်စပြုလာပြီ။ ကျနော်တို့၃ယောက်လည်းကိုယ့်အခန်းကိုကိုယ်အသီးသီးဝင်လိုက်တယ်။ကျနော်ညဝတ်လဲမလို့ရှိသေးတယ်။တံခါးခေါက်သံကြားတော့ဟို၂ကောင်ထဲကဘယ်သူလဲပေါ့။တံခါးဖွင့်ကြည့်တော့ဘယ်သူမှမတွေ့ရဘူးဗျ။ခေါင်းလေးအသာထွက်ပြီးဘေးအခန်းတွေကြည့်တော့သက်ဦးကိုနဲ့ထွန်းလင်းအောင်တို့လည်းအခန်းတံခါးတွေဖွင့်ရက်နဲ့ရပ်နေတော့ကျနော်က''ဘာဖြစ်တာလဲ''လို့လှမ်းမေးတော့သက်ဦးကိုက''တံခါးခေါက်လို့''တဲ့။ထွန်းလင်းအောင်ကလည်း''ငါလည်းအတူတူဘဲ''တဲ့။အခြေအနေကပုံမှန်တော့မဟုတ်တော့ဘူးဆိုတာကျနော်တို့ရိပ်မိလာတယ်။နောက်ဆုံးအဲဒီ၂ကောင်ကပါကျနော်အခန်းမှာစုအိပ်ကြဖို့သဘောတူလိုက်ကြတယ်။ ကျနော်တို့လည်းအိပ်ရာတစ်ခုတည်းမှာကျနော်နဲ့သက်ဦးကိုကဘေးမှာ၊ထွန်းလင်းအောင်ကအလယ်မှာသုံးယောက်သားကြပ်ညက်ပြီးအိပ်ကြတာပေါ့ဗျာ။တော်သေးတယ်ခြင်ထောင်ကမိသားစုခြင်ထောင်အကြီးပါလာလို့ပေါ့။ကျနော်မှေးကနဲအိပ်ပျော်သွားတဲ့ခဏမှာအလယ်မှာအိပ်တဲ့ထွန်းလင်းအောင်ကအသာလှုပ်နိုးလို့နိုးလာတယ်။ကျနော်ကဘာလဲဆိုတဲ့သဘောနဲ့မေးဆတ်ပြတော့ဒီကောင်ကကျနော့်ကိုအသာလေးလက်ညိုးထိုးပြတယ်။သူပြရာကိုကြည့်လိုက်တော့ကျနော့်ခေါင်းမွှေးတွေပါထောင်တက်သွားပြီးအသက်ရှုဖို့မေ့သွားတယ်ဗျာ။ ဘာမှန်းမသိရတဲ့မည်းမည်းအကောင်ကြီးတစ်ကောင်ကကျနော်တို့ကိုကျောပေးရက်အနေအထားနဲ့ညကအရက်ထိုင်သောက်တဲ့ခုံပုလေးဘေးမှာတင်ထားတဲ့ကျနော့်အမဲကြော်ပုလင်းထဲကအမဲကြော်ကိုနှိုက်နေတာဗျ။နှိုက်တာကပုလင်းကိုလက်မှာကိုင်ထားပြီးသူ့ပါးစပ်ထဲကလျှာကြီးနဲ့နှိုက်နေတာဗျို့။ကျနော်ကိုယ့်ကိုကိုယ်လန့်မအော်မိအောင်စိတ်ကိုတော်တော်ထိန်းထားရတယ်။ထွန်းလင်းအောင်ကသက်ဦးကို,ကိုလှုပ်နှိုးလိုက်တော့သကောင့်သားအိပ်မူန်စုံမွားနဲ့''ဘာလဲကွာ''ဆိုပြီးမေးတော့ကျနော်တို့ကသူ့ပါးစပ်ကိုလှမ်းအပိတ်အကောင်ကြီးကကျနော်တို့ဘက်လှည့်အကြည့်။နဂိုထဲကလန့်နေပါတယ်ဆိုမျက်နှာချင်းဆိုင်မြင်လိုက်တော့ပြောမနေပါနဲ့တော့။ အကောင်ကြီးမျက်နှာကလူမျက်နှာမျိုးဘဲ။ဒါပေမယ့်ပုံစံကတော်တော်လွဲနေတယ်။မျက်လုံးကအကြမိးပန်ကန်လုံးလောက်ရှိပြီးနီတွက်နေတာဘဲ။နားရွက်တွေကလူနားရွက်လိုဘဲ။ဒါပေမယ့်ကြမ်းပြင်ထိအောင်တွဲလွဲကျနေတယ်။ပါးစပ်ကပြဲနေပြီးလျှာက၁ပေလောက်ထွက်ကျနေတယ်။အစွယ်တော့မပါဘူး။အပေါ်နှုတ်ခမ်းကလန်နေပြီးအောက်နှုတ်ခမ်းကတွဲကျနေတယ်။ ကျနော်တို့၂ယောက်ပုံစံကိုကြည့်ပြီးသက်ဦးကိုလည်းကျနော်တို့ကြည့်နေရာကိုလိုက်ကြည့်ပြီးတော့သူလည်းမြင်ရောကုတင်ပေါ်ကခုန်ဆင်းပြီးပြေးတော့တာဘဲဗျို့။ကျနော်တို့လည်းနောက်ကျခြေထောက်သစ္စာဖောက်ဆိုပြီးပြေးတော့တာပေါ့။ အခန်းတံခါးကလည်းအရေးထဲဖွင့်မရဘူးဖြစ်နေတယ်။ဟိုအကောင်ကြီးကကျနော်တို့ဘက်လှည့်လာပြီးလျှာကြီးထုတ်ပြတာသူ့လျှာကကျနော်တို့ဆီလာနေသလိုဘဲ။အခန်းတံခါးကဘယ်ဖွင့်ရပါ့မလဲ။ကြောက်ကြောက်နဲ့တွန်းရမှာကိုဇွတ်ဆွဲဖွင့်နေတာကိုး။ကျနော်လည်းသတိရပြီးသက်ဦးကို,ကို''ဟေ့ကောင်တွန်းရမှာလေ။တွန်းရမှာ''လို့အော်တော့မှကျေးဇူးရှင်ကတံခါးကိုတွန်းဖွင့်တော့တံခါးကပွင့်သွားတယ်။တံခါးလည်းပွင့်ရော၊ကျနော်တို့၃ယောက်လည်းပြေးတော့တာပေါ့ဗျာ။ ပြေးလိုက်တာများရုံးနားရောက်မှရပ်တော့တယ်။ရုံးမှာညဂျူတီကျနေတဲ့ဇော်မိုးကထွက်လာပြီးရုံးခန်းထဲခေါ်လာတယ်။ကျနော်တို့လည်းအဲဒီညရုံးမှာဘဲအိပ်လိုက်ကြရတာပေါ့ဗျာ။ နောက်နေ့တပ်ရေးကိုသတင်းပို့ပြီးအခန်းပြောင်းပေးဖို့တင်ပြတော့ကျနော်တို့၃ယောက်ကိုအရာရှိအိမ်ထောင်သည်လိုင်းခန်းကလွတ်နေတဲ့အိမ်တစ်လုံးမှာနေရာချထားပေးလိုက်ပါတယ်။ကျနော်တို့၃ယောက်လည်းပစ္စည်းတွေကိုရဲဘော်လေးတွေကိုဘဲသွားယူခိုင်းတော့တယ်။ဘယ်သူမှအဲဒီအဆောင်ဘက်ကိုမသွားချင်ကြတော့ဘူးလေ။ နောက်ပိုင်းမှာထွန်းလင်းအောင်ကပြောပြမှကျနော်တို့ဆီအရက်လာသောက်သွားတဲ့သူကကျနော်တို့နေခဲ့တဲ့အဆောင်ထောင့်စွန်းခန်းမှာနေသွားတဲ့ဗိုလ်မှူးတစ်ယောက်ဖြစ်ပြီးသင်တန်းတက်နေစဉ်ဘဲအရက်ကြောင်ကြောင်ပြီးသေကြောင်းကြံသွားတယ်ဆိုတာသိလိုက်ရပါတယ်။ အဲဒီနေ့ကစပြီးအရက်ကိုညပိုင်းမသောက်တော့ဘဲညနေပိုင်းမှာသောက်ခဲ့လိုက်တာအခုထိပေါ့ဗျာ။နောက်ပြီးရှိသေးတယ်၊ကျနော်အရက်သောက်နေတုန်းဆိုရင်တံခါးဖွင့်ထားတယ်ဗျ။ ဘာလို့လဲဆိုတော့၊တံခါးလာခေါက်မှာစိုးလို့ပါ။

 ကျေးဇူးတင်လျှက်

  ဝင်းမျိုးခိုင်