မပြီးသေးသော ပန်ချီကား

 ÷÷÷÷÷÷÷÷÷÷÷÷÷÷÷÷÷÷÷ ဦးတင်ထွန်း ဒီအိမ်ကိုစရောက်ကတည်းက စိတ်အဝင်စားဆုံး ကဒီပန်းချီ ကားပဲ။စုတ်ချက်တွေကကြမ်းပေမယ့် ဘာရယ်ကြောင့်မှန်းမသိဘူး သည်ပန်းချီကားကို ကြည့်ပြီးရင်းကြည့်ချင်နေမိတယ်။ အိမ်ကြီးက နှစ်ထပ်အိမ်ကြီး ကျယ်ကျယ်ဝန်းဝန်း နဲ့ ၊ခြံကြီးကလည်းအကျယ်ကြီး၊ရှေ့မျက်နှာစာမှာ မြက်ခင်းစိမ်းစိမ်းနဲ့ အလွန်ကို ပနံ ရပါတယ်။စပြီး ဝယ်ကတည်းကအိမ်ရှင်က ရှိသမျှပစ္စည်းတွေအားလုံးကိုထားသွားတယ်။သူတို့ကတစ်ခြားမြို့ကိုပြောင်းမှာဆိုတော့ ဘာပစ္စည်းမှသယ်မသွားချင်ကြဘူးလေ။ဆက်တီ၊မီးဖိုချောင်ပစ္စည်း၊ကုတင် အစရှိသဖြင့် အိမ်အသုံးအဆောင်ပစ္စည်းတော်တော်စုံစုံလင်လင်ပါ။သူစိတ်ဝင်စားတဲ့ ပန်းချီ ကား က အပေါ်ထပ်က ဧည့်ခန်းမှာချိတ်ထားတယ်။ပန်းချီ ကားထဲမှာက အခုလက်ရှိနေတဲ့ အိမ်ကိုပြန်ဆွဲထားတယ်လို့ထင်တယ်။အိမ်ရှေ့ကမြက်ခင်းစိမ်းလေးရယ်၊လ လေးကတစ်ဝက်သာနေတယ်။ညဘက်မှာဆွဲထားတာထင်ပါတယ်။ ဦးတင်ထွန်းကတစ်ယောက်တည်းသမား။ဘမောင်ဆိုတဲ့တပည့်လေးတစ်ယောက်နဲ့အတူနေတယ်။ဒီအိမ်ကိုပြောင်းလာတော့ အရင်အိမ်ရှင် တွေငှားထားတဲ့ ထမင်းချက်နဲ့မာလီ လင်မယားနှစ်ယောက်ကိုဆက်ခေါ်ထားလိုက်တယ်။သူတို့ကလည်း အရင်အိမ်ရှင်တွေနဲ့အတူတစ်ခြားမြို့ ကိုလိုက်မသွားနိုင်တော့ ဦးတင်ထွန်းက "ဆက်လုပ်နိုင်မလား "လို့မေးပြီးတော့သူတို့နေချင်တာနဲ့ အတော်ဖြစ်သွားတယ်။ ၃ ရက်မြောက်နေ့မှာ ဦးတင်ထွန်းပန်းချီ ကားကိုကြည့်မိတော့ အောက်နားအစပ်ကလူခေါင်းလိုလို ပုံသဏ္ဌန် တစ်ခုကိုတွေ့မိတော့ ဘာများပေသွားပါလိမ့်လို့ သေချာကြည့်မိတယ်။ဆေးစက် လို့ပဲကောက်ချက်ချ မိတယ်။ဘယ်ကလာတဲ့ဆေးစက်ဖြစ်မလဲလို့တွေးကြည့်တယ်။တွေးလို့မရတာနဲ့ အိမ်က တပည့်လေးနဲ့ မာလီလင်မယားကိုခေါ်မေးတော့လည်း သူတို့မသိပါဘူး ဆိုတဲ့အဖြေပဲရတယ်။ဒါနဲ့ "ငါ့အခန်းထဲယူထားတာပဲစိတ်ချရပါတယ်" ဆိုပြီး အခန်းထဲ ယူချိတ်ထားလိုက်တယ်။နေ့လည်ဘက် အလုပ်ကိစ္စနဲ့အပြင်သွားပြီးပြန်လာတော့ ညနေတော်တော်စောင်းနေပြီ။ အခန်းထဲ တန်းဝင်ပြီးတော့ကုတင်ပေါ်ခြေပစ်လက်ပစ် အိပ်လိုက်တယ်။ အဲဒီမှာ မျက်လုံးက ပန်းချီကားပေါ်ရောက်သွားတဲ့အခါ တွေ့လိုက်ရတဲ့ အရာကြောင့် ထထိုင်မိသွားတယ်။ပြီးတော့သေသေချာချာအနီးကပ်သွားကြည့်လိုက်မိတယ်။ လူတစ်ယောက် ကိုယ်တစ်ပိုင်း ပုံ နောက်ကျော ကိုမြင်လိုက်ရတယ်။အိမ်ဘက်ကိုကြည့်နေတယ်လို့ထင်တယ်။"ဒါတော့ထူးဆန်းသွားပြီ ငါ့အခန်းကိုသော့ခတ်ထားခဲ့တာပါ ဘယ်သူမှဝင်လို့မရလောက်ပါဘူး" ဒါနဲ့မကျေနပ်သေးဘူး အိမ်ရှိလူကုန် အခန်းထဲဝင်သေးလား လိုက်မေးလိုက်သေးတယ်။ "ဟာ ဆရာကလည်း ဆရာ့အခန်းကသော့ခတ်ထားတာကျနော်တို့ဘယ်လိုဝင်လို့ရမလဲ ကျနော်တောင်သန့်ရှင်းရေးဝင်လုပ်ပေးမလို့ ကိုတံခါးဖွင့်လို့မရတာနဲ့ ဆရာ့ကိုစောင့်နေတာ ဘာဖြစ်လို့လဲဆရာ" "ဘာမှ မဟုတ်ပါဘူးကွာ " ဟု ခပ်မဆိတ်ပဲနေနေလိုက်တယ်။ စိတ်ထဲမှာတော့တော်တော် ထူးဆန်းလို့စိတ်ဝင်စားနေပြီ။"တစ်ခုခုတော့တစ်ခုခုပဲ။ဘာလုပ်ရရင်ကောင်းမလဲ အင်းး ဆက်စောင့်ကြည့်လိုက်ပါဦးမယ်" တစ်ယောက်တည်းမေးတစ်ယောက်တည်းဖြေရင်း ခဏမှိန်းနေလိုက်တယ်။ပန်းချီ ကားကိုတော့ယူပြီးတော့ ကုတင်ဘေးကစားပွဲပေါ်ယူတင်ထားလိုက်တယ်။ ည ၁၁ နာရီလောက်မှာပြန်နိုးလာတယ်။ထမင်းမစားပဲအိပ်ပျော်သွားတော့ဗိုက်ထဲကဆာလာတာနဲ့ အောက်ထပ်ဆင်းပြီး ထမင်းစားပွဲကိုတန်းသွားလိုက်တယ်။စားပွဲ ပေါ်မှာထမင်းဟင်း အားလုံးခူးခပ်ပြီးတော့ အုပ်ဆောင်းလေးနဲ့အုပ်ပေးထားတယ်။ဗိုက်ဆာဆာနဲ့စားလိုက်တာ ခူးထားပေးသမျှအကုန်ပြောင်သွားတာပဲ။စားပြီးတာနဲ့ အပေါ်ပြန်တက်ပြီးအခန်းထဲဝင် "ပြန်အိပ်လိုက်ဦးမယ်လေ" ဆိုပြီးကုတင်ပေါ်တက်ရင်း မျက်လုံးက ပန်းချီ ကားကိုရောက်သွားပြန်ရော။ ဟင်......... ဒီတစ်ခါ ပါးစပ်ကထွက်ကျလာတဲ့ အာမေဋိတ် ကတော်တော်လေးကျယ်သွားတယ်။ တွေ့လိုက်ရတာက လူတစ်ယောက်မိုးကာအကီင်္ျီ ဝတ်ပြီး အိမ်ထဲကိုဝင်နေပြီ။ "ဘုရား ဘုရား ငါအမြင်များ မှားနေတာလား" ညအိပ်ပျော်သွားတော့ မီးမပိတ်မိဘူး တစ်ခန်းလုံးလင်းထိန်နေတာပဲ။နောက်တစ်ခေါက် အနီးကပ်ဆွဲယူပြီး ကြည့်မိတယ်။ဒီအတိုင်းပဲ။ "ငါ ဘာဆက်လုပ်ရမလဲ ဒီပန်းချီကား ကတစ်ခုခုတော့ တစ်ခုခုပဲ။သြော် ငါ့သူငယ်ချင်း ကိုကျော်ကြီး ကဒီနားမှာနေတာပဲ ခေါ်လိုက်ရရင်ကောင်းမယ်ထင်တယ် ဒီလိုကိစ္စမျိုးတွေက ငါ့တပည့်တွေကိုပြောလို့လည်းမကောင်းဘူး မယုံရင်ငါ့ကိုပျက်ရယ်ပြု လိမ့်မယ်။နောက်ကွယ်မှာရယ်နေလိမ့်မယ်။ငါနဲ့စိတ်တူကိုယ်တူဖြစ်ပြီးအတော့်ကိုစဉ်းစားဥာဏ်ကောင်းတဲ့သူကိုဖွင့်ပြောပြမှအကူအညီရလိမ့်မယ်ကိုကျော်ကြီးကိုခေါ်လိုက်တာကောင်းမယ်ထင်ပါတယ် ဒါပေမယ့် ခုလိုညသန်းခေါင်ခေါ်လို့တော့ မတော်ပါဘူးလေ မနက်မှဖုန်းဆက်ခေါ်လိုက်တာပေါ့" ဦးတင်ထွန်းတစ်ယောက်တည်း အကြာကြီးစဉ်းစားခန်းဝင်ပြီးတော့ ဆုံးဖြတ်ချက်ချ ပြီးမှ ပန်းချီကားကိုမကြည့်တော့ပဲ မီးပိတ်၍ အိပ်လိုက်လေတော့သည်။ မနက်စောစောထပြီး ညတုန်းကအစီအစဉ်ချထားတဲ့အတိုင်း ကိုကျော်ကြီးကိုဖုန်းဆက်မခေါ်တော့ပဲ ကိုယ်တိုင်ပဲသွားတော့မည် ဆိုကာ မျက်နှာသစ်၊ရေမိုးချိုး၊အဝတ်အစားလဲပြီး အပြင်ထွက်ခါနီး ပန်းချီကားကိုတစ်ချက်ကြည့်မိလိုက်သေးသည်။ "ဟင် ဟိုလူဘယ်ရောက်သွားပါလိမ့် " ပန်းချီကားထဲတွင်လူရုပ် ရှိမနေတော့ ။ ဘာမှဆက်မစဉ်းစားတော့ပဲ ကိုကျော်ကြီးဆီသို့သာခပ်သုတ်သုတ်လျှောက်လာခဲ့လိုက်သည်။ ၁၅ မိနစ်ခန့်လျှောက်မိသောအခါ ကိုကျော်ကြီးနေထိုင်ရာအိမ်သို့ ရောက်ရှိလာခဲ့သည်။ "ဟာ ကိုတင်ထွန်း လာလာ ခင်ဗျားဗျာ အတော်နေနိုင်တဲ့လူ ကျုပ်ဆီမလာတာဘယ်လောက်ကြာနေပြီလဲ။" "ကိုကျော်ကြီးရေ ကျနော်ခင်ဗျာတို့ရပ်ကွက်ကိုပြောင်းလာပြီဗျ။မလာဖြစ်သေးလို့ပါဗျာ အိမ်အသစ်ဆိုတော့ပစ္စည်းတွေနေရာချနေရသေးတော့ ၊ခုလာတာတော့ထူးဆန်းတဲ့ ကိစ္စတစ်ခုတိုင်ပင်မလို့ဗျို့"ဟုအစချီကာအဖြစ်အပျက်အစုံကိုပြောပြလိုက်လေသည်။ "ဟာဒါဆို ကိုတင်ထွန်း ခင်ဗျားကိစ္စ ကျနော်လည်းစိတ်ဝင်စားတယ် ညနေ ကျရင်ကျနော်လာခဲ့မယ်ဗျာ ခင်ဗျားအိမ်မှာညအ်ိပ်ရင်းစောင့်ကြည့်ကြမယ်လေ " "အိုကေ ကိုကျော်ကြီး ကျနော်စောင့်နေမယ်နော်ဆက်ဆက်သာလာခဲ့ပါ ညစာအတွက်တော့မပူနဲ့ဗျို့ အစားအသောက်အကုန်ရစေရမယ်" "စိတ်မပူနဲ့ဗျို့ လာဖြစ်အောင်ကိုလာခဲ့မှာ ကျနော်လည်းစိတ်ဝင်စားတဲ့ ကိစ္စဆိုတော့" ကိုကျော်ကြီးနဲ့စကားပြောပြီးတော့ အိမ်ကိုမပြန်သေးပဲ ဝယ်စရာရှိသောပစ္စည်းများကို ဈေးသို့သွားရောက်၍ ဝယ်ခဲ့လေသည်။နေ့လည်လောက်ကျမှအိမ်သို့ပြန်ရောက်ခဲ့လေသည်။ အိမ်ပြန်ရောက်တာနဲ့ တပည့်တွေပြင်ပေးတဲ့ နေ့လည်စာစားပြီး အပေါ်ထပ်သို့တက်ခဲ့တော့သည်။အပေါ်ထပ်မှာက ဦးတင်ထွန်းတစ်ယောက်ပဲနေသည်။ကျန်တဲ့သူတွေက အလုပ်မရှိလျှင်အပေါ်သို့ဘယ်သူမှမတက်ကြ။သန့်ရှင်းရေးလုပ်ရန်၊ဦးတင်ထွန်း၏အဝတ်အစားများလျှော်ဖွတ်ရန် လိုအပ်မှသာတက်လေ့ရှိသည်။ အခန်းတံခါးဖွင့်လိုက်တာနဲ့တစ်ပြိုင်နက် ကြည့်လိုက်မိတာက စားပွဲပေါ်မှာတင်ထားတဲ့ ပန်းချီကား ပဲဆိုတာ ပြောစရာတောင်လိုမယ်မထင်ပါဘူး။ "ဟော ဘာလဲဟ" ပန်းချီကားကိုသေသေချာချာယူကြည့်မိပြန်သည်။ ပုံထဲ၌ကား မိုးကာအကျီင်္ီဝတ်ထားသောလူပဲ အိမ်ထဲမှတစ်ခုခုကိုိုဆွဲလာသလိုလို ပုံသဏ္ဌန်ကိုမြင်လိုက်ရလေတော့သည်။မနိုင်မနင်း ဒရွတ်တိုက်ဆွဲ လာသောအရာမှာ ဘယ်အရာနည်း။နောက်မှပါလာသောအရာမှာ မည်သည့်အရာဝတ္ထု ဖြစ်သည်ဟုမမြင်ရပေ။ ဒီအခါမှာတော့ ဦးတင်ထွန်းရဲ့အသက်ရှူ သံမှာမြန်ဆန်နေပြီး ရင်ခုန်သံများလည်းတစ်ဒုန်းဒုန်းနဲ့ မြည်ဟီးနေလေပြီ။ု ဦးတင်ထွန်းအောက်ထပ်သို့ ပြန်ဆင်းလာခဲ့သည်။ဒီပန်းချီကား၏ရာဇဝင်ကိုသိချင်စိတ်ပြင်းပျလာသည်။ဘယ်ကသိနိုင်မလဲ စဉ်းစားကြည့်သည်။အောက်ထပ်သို့ရောက်သောအခါ မာလီလင်မယားကိုတွေ့ရသောအခါမှ သတိရမိသည်။ "ဒီလင်မယားကိုမေးကြည့်ရင်သိနိုင်မယ်ထင်တယ် သူတို့က အရင်ကတည်းက နေလာကြတဲ့ သူတွေဆိုတော့ ဟုတ်ပြီ" ဦးတင်ထွန်းလက်ဖျောက်တစ်ချက်တီးလိုက်သည်။ကိုယ့်စိတ်ကူးကိုယ်သဘောကျမိသွားသည်။ " ဟာ ဆရာဘာလိုလို့လဲ ခင်ဗျ ကျနော်ဘာလုပ်ပေးရမလဲ" "အေး ကွ မင်းတို့ကိုမေးစရာရှိလို့ ဘာမှလုပ်ပေးစရာမလိုပါဘူး" " ဟုတ်ကဲ့ ဆရာ မေးပါ ကျနော်တို့သိသလောက်တော့အကုန်ပြောပြပါ့မယ်" " အရင်ကဒီအိမ်မှာ မိသားစုဘယ်နှစ်ယောက်နေသလဲ ပြီးတော့ပန်းချီဆွဲတတ်တဲ့ သူရောရှိလား" " ဟုတ်ကဲ့ ဆရာ ဒီအိမ်ကြီးမှာ မိသားစု ၃ ယောက်နေခဲ့ပါတယ်။သူတို့သားလေးက ၁၃ နှစ်အရွယ်လောက်ပေါ့ ။အဲ့ဒီ ကလေးက ပန်းချီဆွဲ တာသိပ်ဝါသနာ ပါတယ်။သူ့မိဘတွေက စီးပွားရေးအဆင်မပြေဖြစ်လာတော့ ဒီအိမ်ကြီးကိုရောင်းရတော့မယ်ဆိုတော့သူအရမ်းစိတ်မကောင်းဖြစ်သွားတယ်။သူကဒီအိမ်ကြီးကိုသိပ်ခင်တွယ်တယ်။ဒါပေမယ့်လည်း မိသားစုအဆင်ပြေဖို့အတွက်ဆိုတော့ဘာပြောလိုရမလဲလေ။အစားအသောက်လည်းသိပ်မစားတော့ဘူး တစ်ဖြေးဖြေးနဲ အားနည်းလာတယ်။ဆရာတို့ကိုရောင်းတော့မယ်ဆိုတော့ သူတော်တော်ဝမ်းနည်းသွားတယ်နဲု့တူတယ်။မျက်ရည်တွေတောင်ဝဲ လို့။တစ်ညမှာတော့အိမ်အပြင်ထွက်ပြီး မြက်ခင်းပြင်ပေါ်မှာ ပန်းချီ ဆွဲတယ်။ကျနော်ကတောင်မေးလိုက်သေးတယ်။"ညမှောင်မှောင်နဲ့ မြင်ရရဲ့လား"လို့မေးတော့ "ကျနော့မျက်စိထဲမှာ ဒီအိမ်ရဲ့ ပုံစံကစွဲနေပြီးသားပါ"တဲ့ ဆရာတို့ကလည်းမကြာခင်ပြောင်းလာကြတော့မှာဆိုတော့ သူ့အ်ိမ်ကို အမှတ်တစ်ရအနေနဲ့ ပန်းချီ ဆွဲ ပြီးယူသွားချင်လို့ လို့ထင်မိတယ်။အဲ့ဒီတစ်ညလုံး သူပန်းချီထိုင်ဆွဲတယ်။ဆောင်းတွင်းဆိုတော့အရမ်းအေးပြီးနေမကောင်းဖြစ်မှာစိုးလို့ သူ့မိဘတွေကအထဲဝင်ဖို့ပြောပေမယ့် အရမ်းခေါင်းမာတဲ့ ကလေးကဘယ်လိုမှခေါ်လို့မရဘူး။အရင်ကတည်းက တစ်ယောက်တည်းမွေးထားတဲ့ကလေးဆိုတော့မိဘတွေကလည်းအလိုလိုက်ထားတော့နည်းနည်းဆိုးချင်တယ်။ပြောလို့မရတဲ့အဆုံးတော့နွေးနွေးထွေးထွေးဖြစ်အောင် အနွေးထည်တွေအထပ်ထပ်ဝတ်ခိုင်း၊ကော်ဖီ ပူပူလေးဖျော်ပေးပြီးတော့ အိမ်ထဲဝင်ခဲ့ကြတယ်။ ည ၂ နာရီလောက်ရှိတော့ဆူဆူညံညံ အသံတွေကြားလို့ ထကြည့်လိုက်တော့ ကလေးကပန်းချီဆွဲရင်း လဲကျနေ တာကိုသူ့မိဘတွေကစိတ်မချလို့ ထကြည့်ရင်းတွေ့တော့တာ။ဆေးရုံတောင်မပို့လိုက်ရပါဘူး ဆုံးသွားရှာတယ်။ဆရာတွေ့ တဲ့ပန်းချီကား လေးကအဲ့ဒီကလေးဆွဲထားတာပေါ့ဆရာ။" ရှည်လျှားစွာ ရှင်းပြလို့ပြီးသွားသောအခါ ဘာကြောင့်ဆိုတာကို ဦးတင်ထွန်းသိသွားသလိုလို ဖြစ်လာခဲ့သည်။ "ကျေးဇူးပဲကွာ သိချင်တာလည်းသိရပြီဆိုတော့ မင်းလုပ်စရာရှိတာဆက်လုပ်လိုက်ဦးကွာ" "ဟုတ်ကဲ့ဆရာ" မာလီလေးထွက်သွားပြီးသောအခါ ဦးတင်ထွန်းသည် အပေါ်ထပ်သို့ပြန်တက်လာခဲ့သည်။ ပန်းချီကားကိုပြန်ကြည့်လိုက်သောအခါ ခုနက မမြင်ခဲ့ရသောအရာမှာယခုထင်ထင်ရှားရှားမြင်တွေ့ခဲ့ရလေပြီ။၎င်းဆွဲလာသောအရာမှာလူတစ်ယောက်ဖြစ်ကြောင်းအရိပ်ကိုကြည့်၍ခန့်မှန်းမိသည်။တုံးလုံးလဲကျနေသောလူတစ်ယောက်ကို လက်နှစ်ဖက်မှကိုင်၍ ဒရွတ်တိုက်ဆွဲလာခဲ့ပုံကို ထင်ရှားစွာမြင်လာရသည်။ထိုအချိန်မှာ ညနေ နေဝင်ရီတရောအချိန်သို့ရောက်ရှိလာခဲ့လေပြီ။စိတ်ထဲမှာတစ်ခုခုဖြစ်တော့မည်ဟု ထင်နေသည်။ထိုအချိန်တွင် ကိုကျော်ကြီး လည်းရောက်ရှိလာခဲ့လေသည်။ "ခင်ဗျားလာတာနဲ့အတော်ပဲ ကိုကျော်ကြီးရေ လာမြန်မြန်"ဟုအပေါ်ထပ်သို့ခပ်သွက်သွက်တက်လာခဲ့ကြလေသည်။ ကိုကျော်ကြီးအား နောက်ထပ်သိရသောအကြောင်းအရာများကိုပြောပြပြီးနောက် ဘာဆက်လုပ်ရမည်ကို နှစ်ယောက်သားတိုင်ပင်ကြတော့သည်။အချိန်တွေကလည်းတစ်ဖြေးဖြေးကုန်မှန်းမသိကုန်လွန်သွားပြီးညအတော်ပင်နက်ခဲ့လေသည်။ "ဒီအတိုင်းဆို တစ်ယောက်ယောက်ကိုများဆွဲခေါ်သွားမလားမသိနိုင်ဘူးနော်" ကိုကျော်ကြီးမှစဉ်းစား၍ပြောလိုက်၏။ "ဟုတ်တယ်ဗျ ကျနော်လည်းစိတ်ထဲမှာထင့်နေတယ် တစ်ခုခုများဖြစ်တော့မှာလားလို့" "ဒါဆိုဘာဆက်လုပ်ကြမလဲ" ထိုသိုမှပြောပြီးယုံရှိသေး ကိုကျော်ကြီးမှထိတ်လန့်တကြားအသံဖြင့် "ကိုတင်ထွန်း ဒီမှာကြည့်ပါဦးဗျ လူတစ်ကိုယ်လုံး အိမ်ပြင်ရောက်နေပြီဗျ " အားးးးးးးးးးး ထိုအချိန်မှာပဲ ကြောက်မက်ဖွယ်ကောင်းသောအသံနက်ကြီးကိုကြားလိုက်ကြရလေတော့သည်။နှစ်ယောက်သားကမန်းကတန်းအောက်ထပ်သို ပြေးဆင်းလာခဲ့ကြရာ မာလီလင်မယားမှာလည်းပြေးထွက်လာသည်နှင့်ဆုံမိကြလေသည်။ "ဟေ့ ဘာဖြစ်ကြတာလဲ" "ကျနော်တို့လည်းမသိဘူးဆရာ အော်သံကြားလို လာကြည့်တာ" အားလုံး အိမ်ရှေ့ပေါက်ဝသို့ရောက်သောအခါ ဦးတင်ထွန်း၏ တပည့်ကြီးဘမောင်မှာ အိမ်ရှေ့သို့ခေါင်းတည်၍ ဆန့်ဆန့်ကြီးလဲကျနေလေသည်။ "လုပ်ကြပါဦးဟ ဘမောင် ဘမောင်" ဘမောင်မှာ အသက်မရူတော့ပေ။ ဦးတင်ထွန်း နှင့် ကိုကျော်ကြီး မှာတစ်ယောက်မျက်နှာတစ်ယောက်ကြည့်၍အဖြေတစ်ခုခု ကိုယခုပင်သိလိုက်ရပြီးနောက်နောက်ကျသွားပြီဆိုသောအသိနှင့် ရင်ထဲတွင်ဆို့နစ်လာသည်။ဘာလုပ်ရမလဲ ဆိုတာကိုနှစ်ယောက်သားတိုင်ပင်မထားပဲသိလိုက်ကြသည်။ဒီပန်းချီကားကို ဖျက်ဆီးပစ်မှဖြစ်တော့မည်။ ဘမောင်၏ရုပ်အလောင်းကိုရင်ခွဲရုံသို့ပို့ပြီးပြန်လာကြသောအခါမနက် ၈ နာရီထိုးပြီးပြီ။ထို့နောက် ဦးတင်ထွန်းနှင့် ကိုကျော်ကြီး တို့နှစ်ယောက်သားအပေါ်ထပ်မှပန်းချီကား ဆီသို့တန်းလာခဲ့ကြလေသည်။ပန်းချီကား မှာ တစ်ဖန်ပြောင်းလဲသွားခဲ့ပြန်သည်။ ပထမစတွေ့တုန်းကလို အိမ်ထဲသို့ လူတစ်ယောက်ဝင်လာဟန်ကို မြင်လိုက်ကြရသည်။ ဒီတစ်ခါတော့ နောက်ထပ်အသက်တစ်ချောင်းအဆုံးရှူံးမခံတော့ပြီ။ဘမောင်ကိုမကယ်လိုက်နိုင်ပေမယ့် နောက်တစ်ယောက်ကိုတော့ ဘယ်သူ့အလှည့်မှန်းမသိပေမယ့် ရအောင်ကယ်ရတော့မည်။ ပန်းချီကားကို အိမ်အပြင်သို့ ယူဆောင်လာခဲ့ကြသည်။ ထင်းပုံတစ်ပုံ ပုံပြီး မီးမွှေးလိုက်သည်။ ထို့နောက် အရှိန်တစ်ညီးညီးတောက်လောင်နေသောမီးပုံထဲသို့ ထိုပန်းချီကားကို ပစ်ချလိုက်ကြတော့သည်။ ပန်းချီကားထဲ မှ အော်ညီးသံ ကြားမိသလိုလို။

November Rosy